ЭНЪ ИЙГИЛЕР БЕЛГИЛЕНДИЛЕР

9 ноябрьде Черкесск каласынынъ Маданият уьйинде, Россия Федерациясынынъ ишки ислер органларынынъ к уллыкшыларынынъ кеспилик байрамына багысланып, эстеликли амаллама озды. Онынъ куллыгында Карашай-Шеркеш Республик асынынъ Басшысы Рашид Темрезов, республикалык Правительствосынынъ Председатели Аслан Озов, КЧР Басшысынынъ эм Правительствосынынъ Администрациясынынъ етекшиси Мурат Озов, Россия ФСБ-сынынъ Карашай-Шеркеш Республикасы бойынша Управлениесининъ басшысы Игорь Кобыляченко, республикамыздынъ Оьр судынынъ председатели Руслан Семенов, бас федераллык инспекторы Игорь Дральщиков, КЧР Халк Йыйынынынъ (Парламентининъ) комитетининъ председатели Владимир Умалатов, КЧР бойынша ишки ислер министри Игорь Трифонов, Росгвардиядынъ КЧР бойынша боьлигининъ командири Рашид Салпагаров, савытлы туьзилислердинъ басшылары, службадынъ ветеранлары, кала эм район басшылары катнастылар. Энъ алды ман КарашайШеркеш Республикасы бойынша МВД-сынынъ байрагын сахнага киргисткен сонъ, йыйылганлар службалык борышларын толтырувда ян берген куллыкшыларды бир такыйка уьндемев мен эскердилер. КЧР бойынша ишки ислер министри Игорь Трифоновка, полициядынъ оьзлик составына эм ветеранларына каратылган сагынувларын КЧР Басшысы Рашид Темрезов айтты. – Карашай-Шеркеш Республикасы бойынша ишки ислер министерствосында, оьзлерин аямай, юзлеген офицерлер эм булай куллыкшылар право йорыклыкты, оьзлик, ямагатшылык эм муьлк кавыфсызлыгын аьжетсизлев мырат пан кызмет кыладылар. Службалык борышларын толтырувда дуныядан кеткен куллыкшыларга салынган мемориал олардынъ атларын саклайды, ишки ислер органларынынъ куллыкшылары уьшин халктынъ эм Аталыктынъ алдында борыштан йогары бир зат та йок экенин эске туьсиреди. Биз законлык, гражданлык тынышлык эм оькиметимиздинъ буьтинлиги уьшин яшавларын берген куллыкшылардынъ алдында басымызды иемиз, – деди Рашид Бориспиевич эм службада тапкан етимислери уьшин бир кесек куллыкшыларга оькиметлик савгаларды эм Разылык хатларды берди. Суьйтип, ол РФ Президентининъ Указы ман «За отличие в охране общественного порядка» деген медаль мен полициядынъ полковниги Ансар Боташевти савгалады. «КЧР ишки ислер органларынынъ сыйлы куллыкшысы» деген йогары атты полициядынъ майоры Виктория Прокопенко алды. Олардан баска тагы да бир неше аьдем КЧР Басшысынынъ Муьсирев хатлары ман савгаландылар. (Сонъы экинши бетт