Бу кюнледе КъЧР-ни эл мюлк министри бла «Сбербанкны» Къарачай-Черкес бёлюмюню управляющийини орунбасары Заур Джазов Къарачай-Черкес Республиканы Эл мюлк министерствосуну юсю бла гитче, орта сатыу-алыу бардыргъанлагъа кърал болушлукъ къалай табдырыргъа боллугъуну сорууларын сюзгендиле.
Эсигизге салайыкъ, Сбербанк бла Эресей Федерацияны Эл мюлк министерствосу агропромышленность комплексни предприятиелерине программагъа кёре льгота кредитле берирча кесаматха къол салгъан эдиле.
Эл мюлк товар чыгъарыучула 5 процентге дери къысха заманнга берилген эмда инвестицион кредитле алыргъа боллукъдула. Адамланы джашауларын иги этиуде, экономиканы кёргюзюмлерин кёлтюрюуде Эресейде элчи-фермер мюлклени ёсдюрюуню, бу санагъатда ашхы тюрлениуле бардырыуну уллу магъанасы барды. Эл мюлкде ишлегенлеге кредит бериуню эсеблерин таб къурар ючюн, кърал банкланы джакълагъанлай турады.
Комментарии