Карачаевск шахаргъа къарагъан Мара Аягъы элде Карачаевск бла Джангы Къарачайны бир-бирине къошхан джолгъа ремонт этиле турады. Мара Аягъы элни башчысы Борлакъланы Фархад айтханнга кёре, бу джолгъа эс бёлюрге, керек болуб тургъанды. Бюгюнлюкде джолну джарашдырыла тургъан джери, джангурла джаууб, иги чёкгенди. Ол себебден аны баш къатын бери алыб атыб, иги деменгили ишлерге керекди, ол талай заманны алыргъа боллукъду. Алгъаракъда комиссия къараб, аны къоркъуулу болгъанын ачыкълагъанды. Бюгюнлюкде ремонт ишле къызыудадыла, бу джумушлагъа башчылыкъ этген Элкъанланы Ибрагим, адамла табсызыракъ
болумгъа бир кесек тёзселе, аламат джолгъа къууанныкъдыла эмда белгиленнген болджалгъа ол хазыр боллукъду, дегенни айтханды.
Комментарии