Щарда мцIуата Абу-Даби город (Объединенные Арабские Эмираты) апны «Большой шлем» дзюдола адуней турнир акIвшатI. Анкъвакъвра йаднакIылыз аспортсменква дасу рхIатлараквала ркъаруква гIадырбатI. ХIхаквлагIв ОГВЫЗ Альберт Россия азкIкIра команда далата атурнир апхъагылара дазабакIтI. Ауи килограмм 60дза зхIатлару аспортсменква руацIала айгIайра дазабакIуата йкъару дгьамайгьдзатI.
Альберт афинал дзынамдзазтынгьи йхпахауа агыларта гIатигатI, атурнир аджьаз медаль гIайыхъвдарцIатI. АчкIвын йгIатгарала швабыжта хIйыргвыргъьатI. Апхъахьылагьи ауи йкъару йалахIауа хIкъраль, хIреспублика, абаза уагIахъа рыхьыз зыргуш агIатгара дуква дырзынадзарныс йзыхIтахъпI.
Комментарии