ДЖАНГЫ БЁЛЮМ КЪУРАЛГЪАНДЫ

Республикан больницада немца оборудованиеси таб джарашдырылгъан джангы анестезия кардиореанимация бёлюм ачылгъанды. Ол 2012-чи джыл кардиохирургия бёлюмде джюрекге мийик технологиялы операцияла этилиб башлагъанлары бла байламлыды. Шунтирование, джюрекге ачыкъ операция этилген, джюрек джапхычлары джарылгъан ауруугъанлагъа къарагъан къыйынды. Аны себебли бир джылны мындан алда джюреклери ауругъанлагъа энчи реанимация къураргъа кереклиси ачыкъ болады. Республикан Къан тамыр аралыкъны тамадасы, медицина илмуланы доктору Темрезланы Марат билдиргенден, джангы реанимация бёлюмде къыйын джюрек ауруулары болгъанла бла ангиопластика этилген ауругъанланы багъарыкъдыла. Джангы бёлюмде джети орун барды. Кече-кюн да ионизация этиб, хауаны тазалаб тургъан технологияла хайырландырыладыла. ЭКГ-ны, пульсну, давлениени, кислородну ёлчелеген кардиомониторла салыннгандыла. Алай бла бюгюнню излемлерине кёре ауругъанлагъа заманында дженгил болушлукъ этерге мадар къуралгъанды.