СКФО Преимущества покупки пластиковой сетки у OPT Relation СКФО 1. Технические характеристики, сертификация продукции и регистрация технических характеристик СКФО В республиках СКФО на 61% вырос спрос на образование с господдержкой СКФО В Ставрополе состоится общегородская зарядка   СКФО Дагестан создаст аналог зарубежных курортов

Дмитрий Медведев – юртымызда конакта

05.04.2017 1079
Дмитрий Медведев – юртымызда конакта

Юма куьн Россия Правительствосынынъ Председатели Дмитрий Медведев Карашай-Шеркеш Республикасында болды эм «Архыз» курортынынъ конагуьй эм тавлыжа инфратуьзилисин карап шыкты, оны арбатынгы оьрлендируьвдинъ планлары ман танысты. «Архызда» Россия вице-премьери Александр Хлопонин, РФ Керуьв Кавказдынъ ислери бойынша министр Лев Кузнецов эм Карашай-Шеркеш Республикасынынъ Басшысы Рашид Темрезов болдылар.

Премьер-министр Россия Правительствосынынъ демеви мен юргистилген еткеруьвши инженерлик инфратуьзилисининъ курылысын эм байыр инвестицияларынынъ объектлерин тергеди. Дмитрий Медведевке курорттынъ арбатынгы оьрленуьви, керуьв тав тоьсин асыллав бойынша планлар акында билдирдилер.

Дмитрий Медведев курортта бажарылган куллыктынъ тамамларына эм «Архыздынъ» арбатынгы оьрленуьвине йогары белги берди. Онынъ белгилевинше, «Архыз» энъ ийги сезимлерди тувдыратаган соьлеги замангы курорт болады эм коьрсетимлери уьлгилилерге ювыклар.

– Мунда тыншайгандай эм кыдыргандай ер бар, – деди Д.Медведев.

Оьз ягыннан Рашид Темрезов «сондай йогары белги аьдемлерге ярайтаган, коьплеген конаклардынъ суьйикли тыншаюв ери болатаган «Архыз» курортын арбатын оьрлендируьвге косымша демев болаяк», деди.

Баьриси «Архыз» курортында бес туристлик деревняды кулланувга киргистпеге планланады: аьрекетлейтаган «Романтикке» ортак инфратуьзилис пен, логистика ман эм туристлик ойлар йыйынтыгы ман биргелестирилген «Лунная поляна», «Пхия», «Дукка» эм «Дукка-2000» майданлары косылаяклар. «Архызда» баьриси 58 бийикликке коьтеруьвшилер (подъемниклер) эм туьрли авырлык категориялы 137 тав-лыжа трассалары аьрекетлееклер.

«Архыз» туристлик-рекреациялык курортында Россиядынъ тав-лыжа курортларында энъ узын канат йолы.

– «Млечный путь» гондола подъемниги аьрекетлейди. Ол саьатине 2400 аьдемге карарланган. Оннан баска «Спутник» канат йолы эм балалар конвейерлик коьтеруьвши аьрекетлейдилер. Курорттынъ энъкевликлери искусстволы карлав ман эм ярык пан аьжетсизленгенлер. 2015-2016 йыллардынъ кыс шагында «Лунный экспресс» канат йолы кулланувга берилген. Энди коьтеруьвшилердинъ болымлыклары саьатине 6600 аьдем болады, трассалардынъ узынлыгы 4 шакырым болады.

Бес йылдынъ ишинде туристлердинъ саны 25 мынън ан 70 мынъ аьдемге дейим оьскен. 2020 йылдынъ сонъына туристлик агымынынъ оьлшемин 445 мынъ аьдемге дейим оьстирмеге карарланады.

1079 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный