Октябрь а 30 ХIабаз
район, Бавыкъва кыт апны
аполитика репрессияква
йрыладзыз рчвахъабага
хIахъв ащтIацIара йазынархата
хъмаштылра Мшы
акIвшатI. Ауи йалан КЧР
а-Правительства анхагIвчва,
ХIабаз район администрация
аунашвачпагIвчва,
арайон йаланакIуа
акыт гIаныршараква рхъадаква,
абзазагIвчва.
КЧР а-Правительства
а-Председатель УАЗ
Аслан йшгIаликIгIазла,
Россия апны аполитика
репрессияква йрыладзыз
рхъмаштылра Мшы хIкъраль
йнашхыйу атурых абгъьыцква
йрыуахатI.
– ХIабашталагIвчва рабанпара
щарда рыцхIагIарата
рыла йыцIсыз
ахъаз ажвала йгьузыхIвушым.
Ауат зыршышыз
хIхаквлагIвчвагьи рылапI.
Рыуа щардагIвы уахьчIвагьи
йхIылата йбзазитI.
Ауат гIазлысыз азаман
хIатла йаквчважва
гьакIвымта, йшазхъвыцуа
гIадырбарнысгьи йахвитымкIва
рынцIра гIаргтI.
Ауаса уахьчIва аполитика
репрессияква йрыладзыз
рхъмаштылра хIзыхчитI,
ауи апш нымшахра
ахъазла ауыжвгIанчIвиквагьи,
йгIайуа абанпараквагьи
ауи ахъмаштылра рща
йалагIжьырныс хIборчпI.
Атурых йнашхыйу агIаншараква
хIхъаштлырныс
хIгьахвитым. Абзазара
рхъвыхраква йгIарылсыз
дзачIвызлакIгьи
згIвадара, тынчра, нцIра
ауыра рымазтI, амамыр
рхъадзгылазтI, – йхIватI
Уаз Аслан.
Ахъмаштылра мшы
апны йгIачважватI ХIабаз
район администрация ахъада
БАЙЧОРОВ Беслан,
айсра, анхара, Абджьар
Къаруква йгьи ахабзахчара
органква рветеранква
ррайон Совет
апредседатель ТУАРШЕВ
Назар, «Сломанное
детство» книга автор
АРГВЫН ГIальым.
ЙгIайззаз ауагIа йацыта
аполитика репрессияква
йрыладзыз рчвахъабага
хIахъв щтIарцIатI
Получайте свежие новости на электронную почту
Комментарии