Актуально Врач рассказала, кому категорически противопоказан кофеин Актуально В КЧР определили победителя регионального этапа Всероссийского конкурса »Учитель года России» - 2024 СКФО 1,4 млн тонн ставропольской сельхозпродукции продали за рубеж в 2023 году СКФО В Дагестане временно закрыли зоопарк из-за отсутствия лицензии СКФО Где поесть том ям в Черкесске

ЧКIВЫНЫРГIА АБЗАЗАРА ЙАЦЧIВЫРХЪИТI

05.07.2019 251
ЧКIВЫНЫРГIА АБЗАЗАРА ЙАЦЧIВЫРХЪИТI
СквшквакIла утхъахырквын, хIкытква рпны анхартаква къытын, аткван чкIвынква ракIвымкIва ауагIа дара йырчIвыта ахча такIв ъагIарынхуш датша закIгьи гьаъамызтI. Асквшква цапхьадзагьи чкIвыныргIа акъалала йахъуан, акыт заджвгьи дгIанхарныс гьйымуазтI. Ари апш аъаща йтагылан Красна Восток абзазагIвчвагьи. Ауаса уахьчIвала гвыгъара гIауылазцIауа апсахраква ншитI. Йбергьльу апхьахьа, ахIаракьатчпагIв Эгьзакь Мусса ХIабальа йпа йбзирала ужвы акыт апны ашIаква ркъару здыргалуаш рауитI, чкIвыныргIа акыт йгIахъынхIвыхитI, нхаракI тшадыркIылитI, ахъатачIв млыкврхIартаква гIандыршитI. Красна Восток йгIадзынгылыз ЛАЧВЫШ Мурат Владимир йпа зцри кыт апхыцIа йазгвалымсым дрыуапI. Ауи Черкесск город йбзазартахатI, ауаса Красна Восток атшауацIыхра закIыла дацхърагIарныс щарда цIуата йгвы йтан. ХысквшакI рапхъала ауи акыт ауацIа йбжахIазыру арызкъква ъарчпауа мацIауырта гIахъитIытI. Ауаъа арахв йгьи аквтIужь йгIарылху афачIвква дрыхIазыритI, ауагIа ззыбжу датшагьи йапшым афачIв джьащахъваква рмацIауитI. АмацIауырта ангIахъитIы нхара змауата йчIваз апхIвысква акыт йтымцIуа йъанхуш раутI. Ауат йдрыхIазыруа афачIвква акыт йтагылу аткванквагьи, йаргвану акытква рпынгьи, акъалаква рпынгьи йпшцIырщтитI. Асквш 2017 агIан Мурат, йалкIгата ашIаква йрымаджьащахъву, бзи йырбауа «гиро» фачIвлыцI ъадрыхIазыруа чарта акыт ауацIа йгIахъитIытI. Ауи ансимшы акыт дцумца ачарта нйырхитI. Ауаъа «гиро» акIвымкIвагьи жьы зтугьи, кIартIоф зтугьи хчын дрыдзитI, аткван акIьарышвтаква йапшым адзы хъагIа хьшвашваквагьи аморожквагьи ыквпI. Апхъала ауагIа йрымаджьахъвата ауи апш ъархвгIуш акытла йгьаъамызтI, аргван къалаква рпны йцуз ракIвын чIащыгIваракI зхвгIарныс зылшуз. Агвымква ркытлагIв швабыжта йзыразпI. АчкIвынчва анхара амщтахь ачарта адзхъа тшазыркIкIитIта йайчважвитI. Нхара тып ъакъыту акыт ахъазла ари йапшу анхартаква щардахипхьадза чкIвыныргIагьи акытла йгIахъхуаштI, ауаъа йымцыру тдзыкIгьи гьтагылазлушым. Мурат йшвапха пшдза хIкыт анахьанат ачкIвынчвагьи швапхата йырзалта Гвым гIащаквыргылхрала йгьи атшауацIыхрала рмурадква зымгIва ацIыхъвадза йнадырдзушта сгвыгъитI. Апхьара датша шIыпIакI йцаз чкIвыныргIа ъачIвагIакI раута ауаъа йгIанымхауата рцри шта йгIахъынхIвыхырквын, дасу йаргвану анархара ркъаруква адыркIылта ркыт шпшдзахуш йазынхузтын, анхара тып шIыцква гIандыршузтын, акытква рпны абзазара анадзара ауагIа йрылархIвауата йщтIыцIуаштI. Лачвыш Мурат йапшу ачкIвынчва щардахара хIтахъыпI, закIгьи йачвымшвауа змурад айрышта йазычIвырхъауа йакIвпI ауыс гIаздахIвуа.
251 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный