Къарачай-Черкесияда Чабакъ спортну федерациясыны кубогу ючюн турнир бардырылгъанды. Быллай зат бизни республикада биринчи кере болгъанды.
Эришиуле Уллу Зеленчук сууда ётгендиле, алагъа Россияны джер-джеринде 18 спортчу къошулгъанды.
- Турнирни эсеблерине кёре энчи зачётда биринчи оруннга Нарсана шахардан келген Эдуард Дзуов чыкъгъанды. Команда зачётда биринчи орун Ессентукдан келген спортчулагъа, экинчи орун да Черкесскени командасына
джетгендиле, - деб хапар айтханды КъЧР-де Чабакъ спортну федерациясыны директору Сергей Бугаев.
- Бугаев айтханнга кёре, муну аллында эришиуле Краснодар крайда бардырылгъан эдиле. Сынамлы, белгили спортчула къошулгъанларына да къарамай, ол джол чабакъчыла сынгар эки чабакъны туталгъандыла. КъЧР-де ётген эришиуледе «тюшген хайыр» аман болмагъанды. Спортчула солуб, разы болуб чачылгъандыла.
Турнирде чабакъланы тутуб-ийиб барыргъа керек болгъаны амалтын, аланы санар мадар болмагъанды. Аны бла бирге спортчула чабакълагъа тиймезге эмда суугъа кирмезге керек болгъандыла. Спортчуланы ичлеринде джорукъну бузгъан чыкъмагъанды. Хауа болумну аманлыгъына да къарамай, турнир мийик дараджада ётгенди.
Комментарии