БИРИНШИ ШАНЪ БАИРАМ Ы НДА

2 сент ябрьде Карашай-Шеркеш Республикасын Керуьв-Кавказ федераллык округында РФ Президентининъ ваькил элшиси Александр Матовников йоклады. Ол республикамы зды нъ Басшысы Рашид Темрезов пан бирге Прикубан районынынъ Майский поселогында Билимлер куьнине эм окув йылынынъ басланувына багысланган торжестволы линейкада ортакшылык этти. Майский авыл яшарлык юртында сол куьн эки кабат байрам эди, билимлендируьв учреждениеси уйгынланганлы оьзининъ 40 йыллыгын да белгиледи. Сол заманнынъ ишинде мектептен доьрт юз аьдем шыккан, олар оьзлерин туьрли аьрекетлик тармакларында оьз орынларын тапканлар. Торжестволы амалламада окувшыларга эм окытувшыларга каратылган соьзлерин СКФО-да РФ Президентининъ ваькил элшиси Александр Матовников айтты. «Буьгуьн сизинъ мектепте эстеликли куьн белгиленеди. 40 йыл артта мунда биринши кере онынъ эсиклери окувшылар уьшин ашылганлар. Сол заманнынъ ишинде ийги аьдетлер туьзилгенлер. Буьгуьн линейкада турганлардынъ арасында кими илмилик табынышларды этеек, кими врач, инженер яде журналист болаягына шекленмеймен. Ким биледи, космонавт болаяк та бар болар - Карашай-Шеркеш ерининъ тарихинде ондай да болган. Энъ маьнелиси, алаяк билимлеринъизди бизим уллы Элимиздинъ - Россиядынъ пайдасына каратаяксынъыз. Билимлер алув йолында сизге етимислерди, ийги белгилерди; окытувшыларга - шыдамлы насыйхатшылар, а ата-аналарга - сизинъ ярдамшыларынъыз болганларын сагынаман», - деп белгиледи оьзининъ кутлавында Александр Матовников. Окувшыларды, окытувшыларды эм ата-аналарды янъы окув йылынынъ басланувы ман Рашид Темрезов кутлады. «Янъы окув йылынынъ басланувы - келеекке йол басланатаган ийги куьн. Мектепте окыган йыллар акында ярык эскеруьвлер аьр кайсымыздынъ юрегинде оьмирлерге каладылар, олар авыр шакларда йылытадылар эм демев бередилер. Биринши класстынъ окувшыларына меним айырым кутлавларым. Олар быйыл бизде алты мынънан артык», - деп белгиледи Рашид Темрезов. Оьзининъ соьзинде республикамыздынъ Басшысы Майский поселогынынъ окувшыларынынъ аьзирленуьв сапаты татым, тебенли окытувшылар коллективининъ кеспилиги аркалы аьжетсизленеди, деди. «Сизинъ билимлендируьвинъиз тагы да сапатлы болсын уьшин биз баьри затты этеекпиз. Сондай карасты бизге Россия Федерациясынынъ Президенти Владимир Путин де береди. Сол затка бизди РФ Президентининъ ваькил элшиси Александр Матовников та туспарлайды. Бу биз белсинли катнасатаган «Билимлендируьв» уьстинликли миллет проектин яшавга эндируьвдинъ де бас маьнеси болады», - деди Рашид Темрезов. Сонъ А.Матовников эм Р.Темрезов Майский поселогынынъ орта мектебине телсиз микрофонлардынъ янъы комплектин, а Прикубан районынынъ куьресшилерине - спорт мектебине куьрес куьйизин савгалады. Сонъ А.Матовников эм Р.Темрезов м ектептинъ боьлмелерин, янъы спорт залды, «Оьсуьв точкасы» билимлендируьв Орталыгын карап шыктылар. Косымш а билим лендируьвдинъ туьрлилигин кенъейтуьв мыратта КЧР Басшысы окытувшылар коллективине мектептинъ каралдысында тезликли кепте оьсетаган кишкей бавды олтыртпага, окувшыларга бавшылыктынъ негизлерин коьрсетпеге ой этти.