Къарачай-Черкес Республика алчы регионланы биринчи бешисини тизимине киргенди.Джыл сайын регионланы этген ишлерин эсеблеб, араларындан алчыланы ачыкълар мурат бла кёб тюрлю ишле бардырылгъанлай турадыла. Ол ишлени бириди РФ-ны Президенти Владимир Путинни «О долгосрочной государственной экономической политике» деген май указын баджарыу да. Мындан алда да аны бла байламлы регионланы араларында бардырылгъан ишлени эсеблерин «Медиалогия» компания бардыргъан рейтинг кёргюзгенди. Рейтингге кёре эм ашхыладан 10 регионну белгилегендиле. Аланы араларындан да биринчи беш оруннга тыйыншлыланы сайлагъандыла. Къарачай-Черкес Республика да алчы бешни бири болгъанды.Биринчи орунну уа Краснодар крайгъа бергендиле, экинчиге Ямало-Ненецкий автоном округну, ючюнчюге Адыгеяны, ызы бла Санкт-Петербург бла КъЧР-ни теджегендиле.КъЧР 2014-чю джылда да рейтинг бла алчы 5 регионну бири болгъан эди.Источник: riakchr.ru
Комментарии