Къарачай шахарны Махаметланы Солтан атлы орамыны экинчи номерли кёб этажлы юйюню башын джангыртыу башланнганды. Быйыл бу шахарда кёб этажлы беш юйню башына ремонт этер мурат барды.
Шахарны администрациясында билдиргенлерине кёре, Къарачай шахар округну экономика ёсюмден, къурулушдан эмда ЖКХ-дан управлениесини заявкасы бла башланнганды бу иш.
2017-чи джыл башлары джангыртыллыкъ юйлени тизгининде Махаметланы Солтан атлы орамда эки юй, Мир орамда эки юй, Чкалов атлы орамда да бир юй бардыла.
Къарачай шахар округну джууаблы къуллукъчулары айтханнга кёре, ремонт этиуню башлардан алгъа эки затха къаралгъанды: юй къачан
ишленнгенине, юйге тамамлы ремонт этер ючюн анда джашагъанладан къаллай бир ачха джыйылгъанына.
Къарачай-Черкес Республикада кёб фатарлы юйлеге тамамлы ремонт этиу бла кюрешген фондну регионал бёлюмю юйлени башларын джарашдырыу бла байламлы заказ бергенди.
Башлары тозурагъан юйлеге озгъан джыл да эс бёлюнюр керекли къалмагъанды Къарачай шахарда. Айтыргъа, Орджоникидзевский посёлокда кёб фатарлы эки юйню, Доммайда да бир юйню башлары тыйыншлысыча джангыртылгъандыла. Аны бла бирге Къарачай шахарда да кёб фатарлы бир юйню ал бетине тынгылы ремонт этилгенди.
Комментарии