СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

«БАЬТИРДИНЪ ПАРТАСЫ»

28.12.2018 461
«БАЬТИРДИНЪ ПАРТАСЫ»
Черкессктинъ 11 номерли билимлендируьв орталыгында торжестволы аьлде «Баьтирдинъ партасынынъ» ашылувы озды. Биринши караска, ол булай окув столы. Ама мунда Уллы А т алы к кавгасы ны нъ Баьтири Геннадий Воробьеетынъ каьрти, онынъ яшавы эм аьскершилик етимислери акында билдируьвлер ярастырылганлар. Партада QRкод та ярастырылган, мобиль келистирмесининъ ярда мы ман Интернет-бетке коьшпеге эм Баьтир акында билдируьвлерди таппага болаяк. «Батирдинъ партасы» - патриотлык билимлендируьв проект, ол окувшыларга йигитлик коьрсеткен ердеслери акында анъламлы кепте хабарлаяк. Аьр Баьтирдинъ парта ярастырылатаган мектепке катнаслыгы бар. Проекттинъ мырады - окувшыларга Аталыктынътарихине, кыралымыздынъ баьтирлик аьвелгисине эм аьлигисине, йигитликке сыйлавды кеплев уьшин тийисли аьллерди туьзуьв болады. Амалламада «Единая Россия» партиясынынъ эм ОНФ-тынъ регионлык боьликлерининъ элшилери катнастылар. Сондай болып, амалламага Геннадий Во- «БАЬТИРДИНЪ ПАРТАСЫ» робьевтынъ тувганлары да шакырылган эдилер. «Мен «Бизим янъы мектеп» регионлык проектининъ етекшиси боламан эм «Баьтирдинъ партасы» савлайроссиялык проектинде катнаспай болмайман. Буьгуьн проект Черкесск каласында басланады, ама баска мектеплерде де сондай «Баьтирдинъ парталары» болаягына сенемен. Бизим республикада Уллы Аталык кавгасында катнаспаган, фронтларда оьлмеген яде тылда енъуьвди ювыклаткан баьтирлери болмаган бир аьел де йок. Бизим яс арка сол коркынышлы йылларды мутпаганы маьнели», - деп белгиледи КЧР Халк Йыйынынынъ депутаты, 11 номерли билимлендируьв орталыгынынъ директоры Елена Ляшова. Буьгуьнги «Баьтирдинъ партасы» партизан отрядынынъ етекшиси, Уллы Аталык кавга йылларында Карашай-Шеркеш юртын явдан босатувга уьйкен косымын эткен Геннадий Воробьевка багысланган. Елена Ляшова оьсип келетаган арка бу ийги аьдем акында эстеликти саклаягына эм сыйды береегине сенимин билдирди. Амалламада 1-4 класслардынъ, айырып айтканда, мажа саклавшылар, сувда куткарувшылар, куткарувшылар эм от соьндируьвшилер профильли класслардынъ окувшылары катнастылар. «Баьтирдинъ партасында» олтырмага право ийги окыйтаган эм мектептинъ яшавында белсинли катнасатаган окувшыларга берилеек.
461 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный