СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

БАЬРИ ЗАТ ТА БАЛАЛАР УЬШИН

30.07.2018 364
БАЬРИ ЗАТ ТА БАЛАЛАР УЬШИН
Озган юма куьн «Архыз 21» 5-нши мерекели Керуьв-Кавказ гражданлык форумынынъ калыбында Карашай-Шеркеш Республикасынынъ Росгвардия боьлиги Керуьв-Кавказ округынынъ боьлиги мен бирге «Ямагат эм Росгвардия: балалар уьшин бирге» деп аталган тоьгерек стол озгардылар. Тоьгерек столдынъ бас темасы Росгвардиядынъ эм коммерциялык болмаган сектордынъ ортак эсапларды шешуьвде биргелес ислесуьв болды. Айтпага, авыр яшарлык аьлде калган балалардынъ социализациясы эм адаптация. Амалламада Росгвардиядынъ КЧР бойынша боьлигининъ яваплы кисилери, КЧР-да баладынъ праволары бойынша уполномоченныйы Н.А.Бондаренко, ямагатшылык организацияларынынъ элшилери, республикамыздынъ СМИ-лер куллыкшылары катнастылар. Амалламады аша келип, йыйылганларга хошлав соьзлерин Росгвардиядынъ СМИ-лер мен эм гражданлык ямагатшылык институтлары ман биргелес ислесуьв бойынша департаменттинъ басшысы генерал-майор Александр Андреевич Веклич айтты. – Форумнынъ баьри катнасувшыларын кутлайман эм емисли аьрекетликти сагынаман.Балалардынъ ден савлыгын эм яшавларын саклав ортак оькиметлик эсап болады. Росгвардия бу затта оьзининъ тувра борышын коьреди. Бизим эсабымыз балаларды тек саклав тувыл, аьле кавыфлыкларга уьйретуьв, кайдай да бир аьлде тувра сайлав этуьвге уьйретуьв, – деп белгиледи оьзининъ соьзинде Александр Веклич. Тоьгерек столда йыйылганларга хошлав соьзлерин Карашай-Шеркеш Республикасында баладынъ праволары бойынша уполномоченныйы Наталья Александровна Бондаренко каратты. Онынъ белгилевинше, баладынъ кавыфсызлыгы, ден савлыгы, яшавы уьшин ата-аналарыннан баска социаллык, билимлендируьв учреждениелерининъ, оьзге органларынынъ куллыкшылары яваплылар. Амалламада «Билимлендируьв учреждениелерининъ кавыфсызлыгын аьжетсизлев акында: законлар, право кулланув практикасы» деген тема бойынша Росгвардиядынъ ведомстводан тыскары каравыллавдынъ КЧР бойынша управлениесининъ басшысынынъ борышларын заманлыша толтырувшы Мурат Бердиев соьйледи. Керуьв Кавказда от савыты болган 280 мынънан артык граждан от савытынынъ иелери регистрацияланганлар, олар от савытты анъшылавда, спорт сынасларында эм оьзлик коршаланувда кулланадылар. Суьйткенде, СКФО-да аьр 30-ншы яшавшы от савытты уьйинде саклайды. Соннан себеп балалар болган ерде олар кавыфлыкты тувдырадылар. Бу тема бойынша доклады ман Росгвардиядынъ лицензиялык-ызын беруьв орталыгынынъ басшысынынъ борышларын заманлыша толтырувшысы, полициядынъ подполковниги Али Султанович Братов соьйледи. Тоьгерек столда ашыкланган маьнели соравлардынъ ишинде мектеп ясындагы балалар арасында терроршылыкка карсы куллык, ога карсылык этуьв, авыр яшарлык аьллерде калган балаларды демевлев эм оьзге соравлар тергелдилер. Росгвардиядынъ КЧР бойынша боьлигининъ оьзлик туьзилис пен куллык этуьв куьбининъ басшысы Марат Муратович Цуров озгарылатаган саваплык амалламалар акында хабарлады. – Ро с г в а р - д и я д ы н ъ К Ч Р бойынша боьлигининъ аьскершилери эм куллыкшылары дайымлык негизде оьксиз эм онъайсыз яшайтаган аьеллердинъ балаларына социаллык ярдам этедилер, олар уьшин т уьрли юбанув амалламаларын уйгынлайдылар. Р о с г в а р д и я - дынъ аьскершилери – аьр дайым балалардынъ сагынышлы сакланган конаклары боладылар. Олар балаларга савгалар алып келедилер, – деп хабарлады М. Цуров. – Росгвардиядынъ КЧР бойынша боьлигининъ аьскершилери эм куллыкшылары «Забота» республикалык балалар уьй-интернатына, «Надежда» республикалык социаллык-реабилитациялык орталыгына, Черкессктинъ Балалар уьйине демев этип турадылар. Оьпкелерине искусстволы вентиляция аппаратсыз тыныс алаялмайтаган уьш ясындагы Лиядынъ ата-анасына ярдам эттилер, кыз балады коляска ман аьжетсизлев соравын шештилер. Оннан баска социаллык ягыннан кавыфсызланмаган аьеллер эм олардынъ 27 баласы уьшин амалламалар уйгынланган эдилер. «Территория милосердия» саваплык фонды ман бирге байрам амалламасын уйгынлаганлар, байрам сыпырасын туьзгенлер, балаларга савгалар бергенлер. Оннан баска Московский поселогынынъ республикалык балалар уьйининъ балаларына карав бередилер. 2017 йылдынъ ноябрь айында Росгвардиядынъ КЧР бойынша боьлигинде «Юный ОМОНовец» деп аталган отряд туьзилген. Онынъ калыбына 9 ясыннан 15 ясына дейимги оьксиз эм каравсыз калган 13 бала киреди. Олар келеекте яшавларын миллет гвардиясы ман байланыстырмага мыратлайдылар. Быйыл балалар РФ Миллет гвардиясынынъ аьскерлерининъ куьнине багысланган торжестволы амалламасына шакырылган эдилер. «Архыз 24» телеканалынынъ «Балалар саклайдылар» деген социаллык проектининъ калыбында Росгвардиядынъ куллыкшыларында конакта корреспондентлер мен бирге Балалар уьйининъ тербияланувшылары болдылар. Йолыгыста Росгвардиядынъ куллыкшылары кишкей конакларга савытланувдынъ соьлеги замангы кеплерин эм айырым техникады коьрсеттилер, балалар бронемашинады ишиннен тергемеге болдылар эм аьле кыдырдылар. Аьскершилер оьзлерининъ енъил болмаган кызмет кылувлары акында балаларга хабарладылар. Йолыгыслар, аьдетинше, шай ишуьв мен эм боьликтинъ куллыкшыларыннан савгалар ман кутылатаган эдилер. Тоьгерек столдынъ катнасувшылары туьрли темалар бойынша оьз ойлары ман авыстылар, йыйылган ийги сулып пан боьлисуьв, куьшлерди биргелестируьв оьз емислерин береегине сенимлерин билдирдилер. 
364 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный