СКФО В республиках СКФО на 61% вырос спрос на образование с господдержкой СКФО В Ставрополе состоится общегородская зарядка   СКФО Дагестан создаст аналог зарубежных курортов Актуально Почему подростки становятся трудными и как находить с ними общий язык  Актуально Заседание межведомственной рабочей группы по клиентоцентричности прошло в Карачаево-Черкесии

БАЛАЛАРДЫНЪ КАВЫФСЫЗ ТЫНШАЮВЫНА – АЙЫРЫМ ЭС

23.06.2016 1341
БАЛАЛАРДЫНЪ КАВЫФСЫЗ ТЫНШАЮВЫНА – АЙЫРЫМ ЭС

Карашай-Шеркеш юртыннан балалардынъ эм оьспирлердинъ язгы тыншаювын уйгынлав соравлары республикадынъ баьри оьлшемдеги етекшилерининъ эм яваплы туьзилислерининъ дайымлык коьз салувында болмага керек.

Сондай тапшырувды республикадынъ Басшысынынъ борышларын заманлыша толтырувшы Рашид Темрезов 21 июньде КЧР ис эм социаллык оьрленуьв министри Мурадин Кемов пан, КЧР билимлендируьв эм илми министри Инна Кравченко ман исши йыйылыстынъ барысында эткен.

Министрлер регионнынъ етекшисине республикада язгы тыншаюв кампаниядынъ уйгынланувы акында билдирдилер. Бу йылда Карашай-Шеркеш юртыннан тыншаюв ман эм савартув ман 22 500 бала курсалып алынаяк, ол озган йылдыкыннан эки кереге артык болады. Тыншаюв кампанияды уйгынлавда айырым эс савлыклары осал, кыйын яшав аьллеринде болган балаларга этиледи. Юртымыздынъ ийги табиат-ава аьллерин эске алып, балалардынъ коьбиси республикадынъ юртында тыншаяды.

Сондай болып КМВ санаторийлерине, Кара тенъиз ягасына, Кабарты-Балкар юртына каладынъ тысындагы лагерьлерге уйгынлы еткеруьвлер бар.

Рашид Темрезов балалардынъ тувра эм маьнели уйгынланган тыншаювы – кызыклы эм билимлендируьв тыншаювдынъ негизи болувын белгиледи. Республикадынъ етекшиси КЧР билимлендируьв эм илми министрине балалар ман тыншаюв ерлеринде маданият-коьлемлик куллыктынъ бирлик стандартын туьзбеге тапшырув этти. Бу куллыкка, онынъ соьзлерине коьре, педагогикалык коллективлерди, маданият, ден карув эм спорт министерстволарды тартпага керек.

1341 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный