КЧР а а-Хъада ТЕМРЕЗОВ
Рашид КъарчаЧеркес
Республикала ауацIа
уысквала аорганква
рынхагIвчва, аветеранква
ръачIвагIа гвыргъьахъвла
– РФ ауацIа уысквала
аорганква ры-Мшла йгьи
аполиция гIаншищтара
йцIуа асквш 300-ла драйхIвахIвтI.
Агвыргъьахъв йазынархаз
ачIахIра айззара
йалан ауацIа уысквала
КЧР аминистр ТРИФОНОВ
Игорь, КЧР
а-Правительства а-Председатель
УАЗ Аслан,
КЧР а-Хъади а-Правительстви
р-Администрация
аунашвачпагIв УАЗ
Мурат, КЧР а-Парламент
адепутатква, ФСБ КЧР-ла
а-Унашвачпарта знапIыцIу
КОБЫЛЯЧЕНКО Игорь,
КЧР а-Верховна суд а-Председатель
СЕМЕНОВ
Руслан, КЧР-ла «Росгвардия»
ахъвшара акомандир
САЛПАГАРОВ
Рашид, ахабзахчара йгьи
ахъпшылра органква рунашвачпагIвчва,
аполиция
аветеранква, агородкви
арайонкви рунашвачпагIвчва.
Айззара гIахъыртIра
апхъала зкъвырльыкъвхара
борч зырхъйауата
зхъа щтIазцIаз аполиция
анхагIвчва квырмыш рзырчпауата
дзыргIвра дакъикъа
йрызгылтI.
– Къарча-Черкес Республикала
ауацIа уысквала
аорганква рпны
швкIыгIвпхьадзара джьауапкIра
рылата ахабзанкъвгара
рыбагъьара, ахъатачIв,
ажвлара шварагIварадара
адгалра йазынхитI,
– йхIватI Темрезов
Рашид ачIахIра айззара
апны дгIачважвауата. –
Ркъвырльыкъвхара борч
дырхъйауата рынцIра йанамайгьдзауагьи
гIаншитI.
Ауат рыхьызква зну ачвахъабага
ауацIа уысквала
аорганква рынхагIвчва
рыхъазла ауагIа, хI-Абашта
рпахь аборч рхъйара
ацкIыс йхъаду шаъам
гIахIнаргвалашвахитI.
Ахабза хъахьхара, акъральгIв
мамыр рыхъазла
зынцIра йамайгьдзаз квырмыш
рзыхIчпитI.
ХIреспублика а-Хъада
йшгIаликIгIазла, акъральгIвчва
ршварагIварадара
йгьи ахабзанкъвгара
радгалрала РФ а-Президент
йлихыз ахачIвчва
дырхъйауата КЧР-ла МВД
анхагIвчва нхара ду акIвдыршитI.
Ареспублика
акъральыгIва йгьи амуниципальна
власть органква,
арахьарат ахабзахчара
органква йрыцта
аполиция анхагIвчва
аоперативна уысхара
агъьырчIвитI, акъральгIвчва
разхъацIара йаладырхIитI.
– Ауи йаквшахIатпI
аоперативна-къвырльыкъвхара
уысхарала швгIарбараква,
– йхIватI Темрезов
Рашид. – Ажвлара
ргвгIанаграла йадыргалуа
ауагIа разцIгIараквагьи
аполиция анхара йшарыразуа
гIадырбитI.
ХIреспублика аунашвачпагIв
йширыбагъьазла,
аполиция рпIатIу щтIыхра
зборчу МВД йгьахъазым,
акъральыгIва власть
органквагьи ауи рхачIвыпI.
Ауи ахIатырла ауацIа уысквала
аорганква рбзазага-техника
щата рыбагъьара
йацхърагIалуштI.
Темрезов Рашид Россия
Федерация йгьи Къарча-Черкес
Республика акъральыгIва
ртшхъвагаква
гIазквнадыргаз йриттI. РФ
а-Президент й-Унашвала
«За отличие в охране общественного
порядка»
медаль гIайквнадыргатI
аполиция аполковник Боташев
Ансар, «ГIатгара
зму Къарча-Черкес Республика
ауацIа уысквала
аорганква рынхагIвы»
ЧIахIра хьзыла дгIалыркIгIатI
аполиция амайор
Прокопенко Виктория.
Йагъьта йгIалыркIгIаз анхагIвчва
КЧР а-Хъада йразыра
сальамшвъаква рнанапIыцIайцIатI.
АчIахIра айззара апны
аполиция анхагIвчва йрайхIвахIвтI,
КЧР а-Правительстви
АуагIа Айззари
рчIахIра грамотаква рыртI
хIреспублика а-Правительства
а-Председатель
УАЗ Аслан йгьи КЧР
АуагIа Айззара (а-Парламент)
хабзалыхрала
акомитет апредседател
Получайте свежие новости на электронную почту
Комментарии