Абашта ахчагIвы йы-Мш
йапылуата хIреспубликала айсра аветеранква,
атыл анхагIвчва, ахIбачва
гватрата йырзалырхуа йалахIатI.
ГрушкIа кыт гІаныршара
ахъада Уырчыкъва Анзор
ТІапІанта кыт абзазагІв,
Абашта айсра Ду аветеран КЪАЛМЫХ СултІан ИсхІакъ йпа Абашта ахчагІвы йы-Мшла РФ
а-Президент Путин Владимир СКФО-ла йполномочна Матовников Александр йгьи Къарча-Черкес Республика а-Хъада
Темрезов Рашид рымачв
зцІаз ахІвахІвра швъа йыйтхтІ.
«ХІгвы йгІатыцІуата,
пхата Абашта ахчагІвы
йы-Мшла хІуайхІвахІвитІ.
Акъраль атурых апны рыцІа магІын ду зму агвыргъьахъв ансисквша йхІыртлапІитІ. Ауи Абашта ахчагІвчва ркърар, рпатриотра, хІкъраль амч, ауагІахъаква рацзакІыра йыргІарбагапІ. УахьчІва хІара мамырта хІбзазара ахъазла фыррата йгІашвырбаз
квырмыш ду азыхІчпитІ.
ЙгІадзынгылуа абанпара
рыхъазла йанакІвызлакІгьи швапхата швалуаштІ.
ЗгІвадара багъьа, нцІра
ауыра, тгІачвала тынчра
швыгымхатІ» – йаныпІ
ахІвахІвра сальамшвъа.
Къалмых СултIан Чернигов, Мелитополь, Львов,
Ровна, Дрезден городква гIайырхвитхтI. Ауи
АйгIайра амш Прага апны дапылтI. «Орден Отечественной войны», «Георгий Жуков»,«За освобождение Праги» датшагьи
медаль щарда дрынкъвгагIвыпI.
АйгIайра амщтахь Къалмых СултIан айсра йщаквнарысыз ауагIа млыкврхIара гIащаквыргылхра щъата дацIагылтI. Ауи
йайсра ртшхъвагаква
йгIарылахIатI амайчра
нхарала йгIатигаз амедальквагьи.
АдыгьахІабльа муниципальна район адепутатква ТІыкІва Владимири
Цекъва ХІамзати аветеран ажва пхаква йзынадырхатІ, РФ а-Коммунист
партия ахьызла гвыргъьахъв швъа йгьи согІа
йквнадыргатІ.
Амамыр ахв бзита
йыздыруа айсра аветеран абанпаракIгьи йара
дгIазлысыз архъвыхра апш
рымбарныс дхIвахIвтI,
йгIадзынгылуа ашIаква
хIкъраль атурых рзызхчауа, патриотта йгIадзынзыргылуа аразыра ажваква рзынайырхатI.
Получайте свежие новости на электронную почту
Комментарии