Актуально Заседание межведомственной рабочей группы по клиентоцентричности прошло в Карачаево-Черкесии Актуально Как защитить свои данные на Госуслугах от мошенников СКФО Школа креативных индустрий появится на Ставрополье СКФО Началось строительство школы программистов у озера Ак-гель СКФО В Северной Осетии в 2024 году появятся прямые авиарейсы в Нижний Новгород

АЙГIАЙРА АБАРАКЪ АХЬЫЗЛА

20.05.2019 245
АЙГIАЙРА АБАРАКЪ АХЬЫЗЛА
Апрель а 9 угIалагата йакIвшуз «Встреча Знамени Победы» патриот эстафета хIреспублика аквта Черкесск апны апхьагIвчвата 800-гIвы злаз акцияла май а 8 йалдыргатI. Аэстафета апкъ йтата АйгIайра а-Баракъ йгIахъыху Черкесск город аквтанай апхьартакви агимназиякви йамырдауата, асквш 1945 май агIан Берлин апны рейхстаг йыквдыргылыз а-Баракъ хI-Абашта йшакъральыгIва тынхахаз, афашист Германия йайгIайыз совет уагIа рфырра йшадамыгъахаз цIолата йрылархIватI. Аэстафета дахIврала йшалдыргаз гIадырбауата аквта площадь хънагIвауата метр щарда гIазцIазкIуа «АйгIайра а-Баракъ» ауацIырхтI. Акция йалаз йгьи йгIадгылыз ауагIа ахIвахIвра ажваква рзынайырхатI хIреспублика а-Хъада ТЕМРЕЗОВ Рашид. – УахьчIва хIара Германия абджьар къаруква ркапитуляцияла йгьи хIкъраль АйгIайрала агIвычIвгIвара атурых апны рахIа йщарычIвараз айсра аналгаз амш гIахIгвалашвахитI. Асквш 1945, Май а 9 агIан йхъаржьылыз асалютква сквш 74-ла йхIчвыхъарахазтынгьи, ауи айгIайра гIапны зайсра борч хъамайгьдзарала йзырхъйаз йгьи ахъахвитра хIзыгIазхчаз абанпара закIгьи йузашIмырпшуаш рфырра анцIрала йадамыгъахатI, йхIуагIахъа байару, йхIкъаруу, йхIхъардугу абанпараква апнащылтI. АйгIайра Ду анцIрала Россия афырра асквшгIвыра йанылтI. Ауи агвыргъьахъв амагIны нахIыркъвырныс хIгьахвитым йгьи уахьчIва тынчта хIапхьарныс, апхъахьыла мурадква хIрызхъвыцырныс, хIуачIвы йазхъахIцIауата абзазара хIайгвыргъьарныс збзиру ауагIаква рхъмаштылра хIборчпI, – йгIаликIгIатI Темрезов Рашид йгIачважвара апны. ХIреспублика а-Хъада чкIвыныргIа АйгIайра гIатызгаз швапхата йырзалуа йгьи ауат рфырра апIатIу надмыркъвуа йбзазарныс йаквгIазшIиттI. «Мальчиш-кибальчиш» зхьзу ашIаква рпарад амщтахь айсра марш абжьы гауата сатыр-сатыр ареспублика аквта площадьла йымгIвайстI «Юнармия» отрядква, «Волонтеры Победы» мгIвайсра йалакву, «Подвиг» пшгIагIвчва гвып, Черкесск город чкIвыныргIа рпатриот бжьарала а-Квта акъвырльыкъвхагIвчва йгьи ашIаква рпатриот адкIылараква. Ауи амщтахь апхьагIвчва ран-рабачвагьи рыцта рнапIыла йырчпаз айсра техника хвыцква гIадрымгIвайстI. Агвыргъьахъв йахъв хъадахатI «Смуглянка» йбергьльу ашва ацIата ахIвсси ачкIвынчви йгIадырбаз афлешмоб. Ауат рцIыхъвала афашаква рышвата аплощадь нызкIылыз агвып АйгIайра вальс йгIахIвытI. Агвыргъьахъв ацIыхъва КЧР а-Хъада Темрезов Рашид ауи йгIалалыз дшырзыразу райхIвуата даргьи хI-Абашта йшапатриоту гIаликIгIатI.
245 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный