Пенсион фондну КъЧР-деги бёлюмюнде ишлеген тири джаш адамла фондну юбилейин кеслерича белгилегендиле. 2015-чи джыл Россияны Пенсион фондунда ишлегенлени эслеринде къаллыкъ джылды. Декабрь айда бютеу къралда аны 25-джыллыкъ юбилейин белгилерикдиле. Анга аталгъан мероприятиеле Къарачай-Черкесияда бусагъатда огъуна башланнгандыла. Ётген шабат кюн, августну 22-де, кесигиз билгенден, Россияда Кърал байракъны кюню эди. Ол кюн Фондда ишлеген джаш адамла, аякъ машина чаришге къошулуб, ол ишлерин башында сагъынылгъан юбилейге атагъандыла. Чабышыу кюндюз Черкесскеде Пенсион фондну управлениесини мекямыны къатындан башланнган эди. Фондну эмблемасы болгъан майкалары, бейсболкалары бла 20 адам, колонна халда тизилиб, шахарны арасын джырыб, «Нарт» стадионнга тюшгендиле. Стадионда россиячы байракъны эмда ПФР-ни кесини байрагъын да ёрге тутуб, стадионну ичинде талай айланнгандыла. Джыйылгъанла да алагъа харс уруб, къууанч уллу болгъанды. Ахырында россиячы триколорну сураты болгъан шарланы кёкге учургъандыла. Аякъ машина чариш – ол эришиу тюл эди. Байрам хал къурай, Пенсион фондну шох коллективини хар бир адамы, уллу къралны гражданини болгъанын сезген эди. Источник: riakchr.ru Предыдущая новость 650 просмотров Следующая новость Читайте также 14 МИНГ САБИЙ ЗАУУКЪЛУ СОЛУРУКЪДУ 31.05.2014 316 АДАМЛАНЫ САУЛУКЪЛАРЫНА КЪАЙГЪЫРА 18.08.2021 221 Получайте свежие новости на электронную почту Подписаться Комментарии Написать
Комментарии