АЦЫНХАРА ТШАУАЦIНАХУАШТI

Москва апны КъарчаЧеркес Республика а-Хъада ТЕМРЕЗОВ Рашид йгьи «РусГидро» ПАО агенеральна директор ШУЛЬГИНОВ Николай ранйара акIвшатI. Ауат хIапхъа йшацынхушла йайчважватI. ХIышта, Зеленчук апны йпхатшу адзы-электростанция нхитI. «РусГидро» апхъахьылагьи КъарчаЧеркес апны аэлектроэнергия гIархарджьра атшауацIыхра ахча азалырхырныс йхIазырпI. УахьчIвала ауи акомпания Устьджьгваты апны гидроэлектростанция ауыхвитI, КрасногорскIа апынгьи гIвба руыхвуштI. Темрезов Рашиди Шульгинов Николайи Устьджьгваты йгьи Къарча районква йаныргIалу акытква дзыла йадгалрала ауысквагьи йрыквчважватI. «РусГидро» гвчIагIвра нхара щарда адызгалуа агвып пхатшаква йрыуапI. Темрезов Рашид цхърагIара йазыбжу, аныкъвадыкъваква гватра ду ъарзалырхуа ахъазла Шульгинов Николай аразыра ажваква йзынайырхатI.