АТШЫГIВРА БАЖВХАТI

Къарча-Черкес Республика а-Хъада ТЕМРЕЗОВ Рашид акыт млыкврхIарала КЧР аминистр БОТАШЕВ Анзор дйынйатI. Аминистр хIреспублика амлыкврхIартаква рпны атшыгIвра ацIагахра шакIвшауа КЧР а-Хъада дахайыргIвазатI. УахьчIвала хIышта адгьылрхарджьыгIвчва тшыгIврата тонн зыкь 40 айхIа гIацIаргахьатI. Квтанайта гектаркI центнер 55 гIаквыргитI. Ари апхьадзара цIыпх ацкIыс центнер 20-ла йщардапI. Анйара апны хIыштала акыт млыкврхIара йапщылу аинвестиция проектква абзазара йшаларжьуа, адгьылрхарджьыгIвчви арахвырхIагIвчви къральыгIва цхърагIара гIарадзарала йгьи льгот кредит рзалхрала амальта йнарахвуа йрыквчважватI. Темрезов Рашид «Устойчивое развитие сельских территорий» къральыгIва программа апкъ йтата акытква рпны агаз йгьи адзцагаква йщаквгылу апIатла йтымцIуата йгIаршIыцхра шатахъу аминистр йгватра азынайырхатI. Ауи апрограмма йаланадыркIыз ХолоднородниковскIа кыт апны сынчIва сентябрь а 1 апхьагIв 260-гIв йырзалху квтанай апхьарта гIахъыртIуаштI.