АСОЦИАЛЬНА УЫСКВА ЙРЫКВЧВАЖВАТI

КЧР а-Хъада ТЕМРЕЗОВ Рашид КЧР-ла социальна хъыхчарала РФ а-Фонд ашта хъвшара аунашвачпагIв КЪАЗАНОКЪВА Кърым дйынйатI. Анйара апны а-Фонд йархъйауа асоциальна программаква йрыквчважватI, ауат йрылапI Россия а-Президент Путин Владимир йчпаз йшIыцу «амай» Унашваква рыпкъ йтата йлырхыз ауагIахъа проектква. Къазанокъва Кърым датша нхартакI дцахырныс йгьи ахабзалыхра уысхара штшадикIылуашла йщаквыргылра хIреспублика а-Хъада дахайыргIвазатI. Темрезов Рашид ауи социальна хъыхчарала а-Фонд ашта хъвшара даунашвачпагIвта нхарата йакIвйыршаз ахъазла дшизыразу йгьи анхарта шIыц апны адахIвраква шизитахъу йхIватI. КЧР а-Хъада Къазанокъва Кърым хIреспублика апны асоциальна уысква къарута йрылайцIаз ахъазла «Заслуженный работник социальной защиты населения Карачаево-Черкесской Республики» ЧIахIра хьзы йквнаргарала щаквыргылра найахвтI.