«Дети России» акция
йгьи арыпхьарали культурали Абаза район администрация а-УнашвахъцIарта ахачIвква рыпкъ
йтата апрель а 26 ЙынджьыгьчкIвын квтанай
апхьарта апны апхьартаква рагитбригадаква
ррайон анкъвакъвра акIвшатI. «Здоровье – залог
успеха!» зхьзу ауи анкъвакъвра йхынхауата
йадыргалитI. Ауи хачIвыта йаму йгIадзынгылуа
чкIвыныргIа йызгIваду
бзазара рылагара; анаркомания, ажвра, атутынчвара, збальыгъ йнамдзас руацIала аъадабсызра рпшIагылрала апрофилактика нхараква акIвыршара; йызгIваду бзазара йаквгIазшIытрала аволонтер мгIвайсра чкIвыныргIа гIаланаркIра акIвпI.
Ажюри йалан арыпхьарали культурали Абаза район а-УнашвахъцIарта аъачIвагIагIв хъада
Айсан Лариса; Россия
МВД «Хабезский» хъвшара збальыгъ йнамдзас
руысквала аинспектор
ахIба, аполиция амайор
Щыбзыхва Индира; Абаза район администрация апны анаркотикква
рпшIагылрала акомиссия асекретарь Быджь
Диана. Ауат агитбригадаква зымгIвагьи анкъвакъвра бзита штшаздрыхIазырыз гIалыркIгIатI. Агвыпква асцена апны йгIахъвмаруата йызгIваду абзазара йаквгIазшIызтуа
авидеороликква йддырпшытI, ауысаква йгIарыпхьатI, ашваква рхIватI,
йгIахIвытI, аргылчIвква
гIадырбатI. Анкъвакъвра
ацIыхъвагIарбараквала
йапхъахауа агыларта «Новое поколение» Псыжв
й-1-хауа Гимназия акоманда йыргатI; йгIвбахауа «Путеводная звезда» зхьзу Къарапагва
арыпхьара Квта агитбригада йырчIвхатI; й-3-
хауа АлбыргIан квтанай
апхьарта йауу «Пульс»
гвып йгIатыргатI.
Анкъвакъвра йгIалалыз
зымгIвагьи артшхъвагаквала йгIалыркIгIатI, апхъагылагIвчва ачвахъабага
согIаква рквнадыргатI.
ЙызгIваду абзазара
ахъазла аволонтер мгIвайсра апкъ йтата агитбригадаква рпрограмма рапхьартаква рпынгьи йгIадырбахуаштI.
Получайте свежие новости на электронную почту
Комментарии