Москвада орта билим берген школну тауусуб, уллу джолгъа чыкъгъанлагъа аталгъан къууанч болду – лазер шоула, театрал оюнла, концертле, джюзле бла шарла эмда фейерверкле аланы къой эсенг, шахарчыланы эмда къонакъланы эслеринде ёмюрлюкге къаллыкъдыла. Эм ашхыланы Кремль къалада алгъышлагъандыла, Горький атлы парк къууанчны ара ёзеги болгъанды. Былайгъа келген джаш адамла баш билим алыргъа къайры кирликлерин биледиле, фотокамералагъа таукел къараб, журналистлени сорууларына таукел джууаб бергендиле.
Кремль къалада спортда, творчествода эмда академия джаны бла уллу джетишимлеге ие болгъанлагъа ёчле берилген бла бирге, алагъа кёб иги-ашхы сёз айтылгъанды.
Симферополну устазлары да школну тауусханлагъа къызыл ленточкала бергендиле. Аланы кёбюсю джарым айрымкандан Россияны уллу шахарларына джол тутарыкъдыла. Воронежде уа школну тауусханла анда джюрюген адет бла школну арбазында терекле орнатхандыла.
Черкесскеде школну тауусханла республиканы ара шахарыны баш орамлары бла ётгендиле, аламат концертге къарагъандыла. Барысы да ашхы джолгъа атлансынла, билимли, тюз иннетли адамла болсунла.
Комментарии