АСАБИКВА РЫМШ ДРЫПШДЗАТІ

Абаза къральыгІва драм-
театр аактерква асквш
2018 йадахІвуата йдыр-
гылыз «ГІвнажгІвыршІы-
дзакІ» спектакль (аре-
жиссер Къвапсыргьан Зу-
раб) абаза кытква йгІар-
хъыкІвшумца йгІадыр-
батІ.
Декабрь а 22 угІала-
гата декабрь а 30-дза
ауат йъагІашІасуаз акв-
танай апхьартаква гвыр-
гъьахъв лахІварала йыр-
чвхун, алокІ фырква рту-
расквала йгІахъвмаруата
апшыгІвчва хвыцква ргвы
йаладырхІатІ, агъын су-
рат джьащахъвала йхъ-
рысу Асквш шІыц агвыр-
гъьахъв шгІаргванхауа
абгата йрыладдырхІватІ.
Абаза театр актерква
МосковскІа поселок йа-
ныргІалу «Надежда» рес-
публика реабилитация
Квта ахъвшарагьи йаъан.
Ари йапшу агвчІагІвра
уысла ан-абачва рхъпшыл-
дъа йгІанхаз асабиква
абзазара ашвыга зигІва-
квала рымш дрыпшдзатІ,
Асквш шІыц йапырщылуа
агвыгъараква гІадыршІы-
хатІ.