СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

АРЫПХЬАРА, АЗГIВАДАРАХЧАРА НХАРТАКВА ЙЫРЦХЪРАГIИТI

14.01.2019 588
АРЫПХЬАРА, АЗГIВАДАРАХЧАРА НХАРТАКВА ЙЫРЦХЪРАГIИТI
Асквш 2018, декабрь а 29 Черкесск город аквта площадь апны йгIаладыргылыз азгIвадарахчара, арыпхьара нхартаква йырзалырхыз «ЦхърагIара ласы» автомобильта 18, апхьагIвчва зланкъвыргуш автобус шIыцта 43 рцIапхаква КЧР а-Хъада ТЕМРЕЗОВ Рашид хIреспублика агородкви арайонкви рхъадаква йырнапIыцIайцIатI. Темрезов Рашид йгIайззаз тшырзынайырхауата хIреспублика акытква, агородква рпны апхьартаква, азгIвадарахчара нхартаква йгIадрысабапуа автотранспорт гIаршIыцхра йазынарху РФ а-Президент Путин Владимир йгIаджвыквцIара РФ а-Правительства дахIврала абзазара йшаларжьуа гIаликIгIатI. – Ансисквшагьи Асквш шIыц агвыргъьахъвква рапхъала апхьарта автобусква йгьи «ЦхърагIара ласы» машинаква хIреспублика агородкви арайонкви йырзалхра цIас пшдзата хIбзазара йалапI. Акытква, агородква рпны арыпхьара, амедицина нхартаква равтотранспорт гIаршIыцхра збзиру Россия а-Президент Путин Владимир йгьи арыпхьарала РФ а-Министерства ракIвпI. ЙцIыхъвахауа ахысквша апхьартаква автобуста 90, «ЦхърагIара ласы» машината 53 рыхIтхьатI. Ауаса апхьартаква, азгIвадарахчара нхартаква йгIадрысабапуа атранспорт гIаршIыцхра йазыбжаркIвапI. Апхъахьылагьи ари анархарала ауысква шгIашIамсуаш йазхъасцIитI. Асоциальна нхартаква рымлыкв щата рыбагъьара йазалху ауагIахъа проектква абзазара йалажьрала анхараква алачпапI. Ауат рыпкъ йтата ужвыгьи псахра бзита йыншуш щардапI, – йхIватI Темрезов Рашид. Зеленчук станица й-3- хауа аквтанай апхьарта адиректор Величко Елена агородква, акытква ргIащтийыгIвчва рыхьызла Асквш шIыц йадахIвуата амуниципальна гIаныршараква согIа рзызчпаз хIреспублика аунашвачпагIвчва дшырзыразу лхIватI. АзгIвадарахчара анхагIвчва рыхьызла йгIачважваз АдыгьахIабльа район аквта чымазагIвтара айъазагIв хъада Гвагвыщ Зураб йшгIаликIгIазла, КЧР а-Хъада Темрезов Рашид, а-Правительства рцхърагIарала арайонла йынхауа ацхърагIара ласы станцияква (гIвба йнадзитI) ансисквшагьи машина шIыц рзалырхитI. – АуагIа рызгIвадарахчара гватра азалызхуа хIкъраль, хIреспублика рунашвачпагIвчва ансисквшагьи «ЦхърагIара ласы» машина шIыц ъагIахIыртуа ахъазла сырзыразпI, – йхIватI Гвагвыщ Зураб. Абаза район йрыртыз автобусква ЙынджьыгьчкIвын кыт аквтанай апхьарта йгьи Псыжв йапхъахауа Гимназия йырзалырхтI. Аквта поликлиника сынчIвагьи «ЦхърагIара ласы» автомобилькI рырттI. Темрезов Рашид ауат рцIапхаква Абаза район администрация ахъада Ныр МухIаджьыр йыйттI. «ЦхърагIара ласы» автомобильква электрокардиограф, пульсоксиметр, тахограф, ачымазагIвква златдрыпауа датшагьи аъамапсымаквала йадгалапI. Апхьарта автобусква чIвартипхьадза асабиква рпортфельква ъандыргIалуаш алачпапI. Асабиква ратрыпара тынчызлара ахъазла автобусква рласыра зырхъвыхуа ргIапсга, ГЛОНАСС навигация комплекс, тахограф алачпапI, ашв бзита йаркIымызтын ашофер йшйызджвыквымжьуаш апшта йыргIапспI. ЙынджьыгьчкIвын кыт аквтанай апхьарта йазалырхыз «Форд» автобус ашофер Жанов Мурадин Адам йпа йшгIахIайхIвызла, апхьагIвчва ратрыпара йазалхта транспорт гьрымамызтI. Ужвы асабиква апхьарта рцарагIайхра, аспортсменква рынкъвгара йгьахъгвыргIвахуам. – ЙхIзалырхыз автобус чIварта 22 алачпапI. Ауи асабиква ратрыпара йаквыргIапста йгIацIырщттI. ХIреспублика азгIвадарахчара нхартаква, апхьартаква ауаса цхърагIара гIадызрадзауа рмурадква гIардахIвыргIатI, – йхIватI Жанов Мурадин. Апхьарта автобусква, «ЦхърагIара ласы» машинаква ргIаршIыцхра апхьагIвчва ршварагIварадара адгалра йазынархапI.
588 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный