ЙцIыхъвахауа асквшква руацIала «Рособрнадзор» ргIаджвыквцIарала
«Единый день сдачи ЕГЭ
родителей» акция акIвдыршалитI. Ан-абачва ЙзакIу архъвыхраква рагIан
рсабиква рацкIыс дара
рыцIа йшвитI. Ауи ахIатырла рхъатала архъвыхраква йанырхъысра ауыс
зкву рыцIа цIолата йгIаргвынгIвитI, рсабиква йызларылабжьуш ажвагьи
рызгIауитI.
Къарча-Черкес Республикалагьи ан-абачва
злу ЙзакIу архъвыхраква
ракIвыршарала акция йацыркIтI. Черкесск городла ауи йжвбахауа Гимназия апны йадыргалтI.
Ареспублика муниципальна районква йгьи
агород округква зымгIва
рпынгьи й-11-хауа аклассква йрыцIу чкIвыныргIа
ран-рабачва йырхъазымкIва, ЙзакIу архъвыхраква арыпхьарали наукали
КЧР а-Министерства аъачIвагIагIвчва, Къарча-Черкес Республика АуагIа
Айззара (а-Парламент)
адепутатква, ажвлара организацияква ргIащтийыгIвчва, ахабарргагаква рынхагIвчва алан. Ауат рхъатала ЕГЭ шакIвшауа дырхъвыхтI.
Абаза муниципальна
район йаланакIуа ЙынджьыгьчкIвын кыт квтанай апхьарта апны анабачва математикала экзамен ркIытI. Ауат зымгIвагьи йазалху «агвашв»
йкIылстI, ртелефонква
гьрыцнармахвтI. Архъвыхраква ъакIвшуз акласс
видеокамерала, йатахъыз
аргIапсгаква зымгIвала
йадгалан. Абаза район
ахъада Архагъ Къвырман
ан-абачва дрыцта ЕГЭ
математикала архъвыхраква дрылан.
Къвырман йшихIвазла, апхьарта дгIалгищтара сквш 44 цIитI. «Ага
ауаса йаъазтынгьи, азцIгIараква зымгIвагьи майрата джьауап рысттI,
ахачIвква райхIарагьи сырхъйатI», – йгIаликIгIатI ауи.
Архъвыхраква йагвныргIвыта, йалазгьи рнашх
лашарата йакIвшатI. Арыпхьарала аъачIвагIагIвчва
ЕГЭ акIвыршарала анабачва разцIгIараква йалыргу джьауап рырттI.
Получайте свежие новости на электронную почту
Комментарии