Карашай-Шеркеш еринде
официаллы болувынынъ
калыбында Керуьв-Кавказ
федераллык округында Россия
Президентининъ ваькил
элшиси Александр Матовников
республикамыздынъ
Басшысы Рашид Темрезов
пан бирге озгарган йыйылыста
регионнынъ социалэкономикалык
оьрленуьвининъ
маьнели йоьнелислери
акында айттылар. Олар
республикамыздынъ басшылыгы
алдында туратаган
эсапларды белгиледилер.
Энъ бас деп, Александр
Матовников Карашай-Шеркеш
еринде демографиялык
аьлге белги берди. Демографиялык
соравы бизим
ямагатшылыгымызда маьнели
орынды тутады. Ваькил
элшидинъ айтувынша,
Керуьв-Кавказ федераллык
округы балалар тувувынынъ
саны ман кыралымызда
алдышы орынларды тутады
эм Карашай-Шеркеш еринде
2014 йылга дейим балалар
тувувынынъ саны оьсип
турган.
Ваькил элши демографиялык
коьрсетимлер медициналык
ярдамнынъ сапаты
ман байланыслы экени
акында айтты.
«Карашай-Шеркеш еринде
сонъгы йылларда медициналык
йоьнелисте аьллерди
туьзуьв уьшин коьп
затлар этиледи. Сиз Черкесскте
янъы республикалык
балалар больницасынынъ,
перинаталь орталыгынынъ
диагностиклык корпусынынъ
ашылувына шаат болдынъыз.
Менимше, республикадынъ
басшылыгы эмлев
учреждениелерин кулланувга
беруьв уьшин баьри
амалларды этеди. Сизде
келеекке ийги негиз бар»,
- деди СКФО-да РФ Президентининъ
ваькил элшиси
А.Матовников.
Соны ман биргесине
Карашай-Шеркеш ерининъ
билимлендируьвде эм социаллык
тармакта бас етимислерин
белгилей келип, республикамыздынъ
Басшысы
РФ Президентининъ «Май»
Указлары аркалы кыралымыздынъ
баьри субъектлери
оьз оьрленуьвлеринде уьйкен
адым эткенлер, сонынъ
санында Карашай-Шеркеш
ери де, - деп белгиледи
А.Матовников.
«Биз 3-7 ясына дейим
балалардынъ мектепке
дейимги учреждениелеринде
шеретлерди тайдырдык.
Президенттинъ 2018 йылдынъ
«Май» Указында экинши
сменады 2024 йылга дейим
тайдырмага кереги акында
айтылган. Эм кыралымыздынъ
басшылыгынынъ,
РФ Правительствосынынъ,
СКФО-да РФ Президентининъ
ваькил элшисининъ
Аппаратынынъ биргелес
ислесуьви аркалы биз баьри
маьселелерди шешермиз,
деп сенимлимен», — деди
КЧР Басшысы Рашид Темрезов.
Онынъ белгилевинше,
социаллык тармагы эс этуьвсиз
калмайды эм коьплеген
соравлар шешилгенлер.
Суьйтип, ден савлыкты саклав
учреждениелери, балалар
бавлары, социаллык учреждениелер
курылганлар.
Эм бу йоьнелисте куллык
бардырылаяк, деп билдирди
Р.Темрезов.
Карашай-Шеркеш еринде
социал-экономикалык
оьрленуьвди тергей келип,
туристлик тармагына эс этпей
болмайды. Александр
Матовников туристлик агымына
ийги белги берди. Эгер
2017 йылда республикадынъ
курортларын 1миллион 200
мынъ аьдем йоклаган болса,
быйыл 1 миллион 400 аьдем
болаягы балавланады.
«Республикадынъ басшылыгы
туризмди оьрлендируьв
уьшин коьп затты
этеди. Мен билистен, бу йоьнелисте,
айырып айтканда,
Домбайда бес инвестициялык
проект аьрекетлейди.
«Архыз» курорты уьшин логистика,
йоллар туьзилгенлер.
Мунда савлай Россиядан
туристлер келедилер.
А Домбайдынъ оьрленуьви,
биринши шеретте, инфратуьзилисти,
тав кластерин,
конагуьйлер комплекслерин
ийгилендируьвди карарлайды.
Суьйткенде, ювыктагы
бир-эки йылда оькиметлик
эм байыр инвестициялык
проектлери Домбайды оьрлендируьвге
каратылаяклар»,
- деди Александр Матовников.
Ызында Александр Матовников
оьзи тав лыжа
спортынынъ суьювшиси
болатаганын эм КарашайШеркеш
ерининъ карлы ерлеринде
кыдырмага аьзирлигин
билдирди. Ол регионнынъ
туристлик тармагын арбатынгы
оьрленуьв саклайтаганын
белгиледи.
Получайте свежие новости на электронную почту
Комментарии