Къарча-Черкес Республика
аквта Черкесск
город апны йцIасхаз
адзын джьармыкIьа акIвшатI.
Ауи гIархарджьыгIвчвата,
фермер йгьи хъатачIв
нхартата 220 алан.
Ареспублика абзазагIвчва
аджьармыкIьа
швабыжта йыргвапхатI,
йыззыбжу афачIвкви апкъыгIвакви
рыцIа пудта
йырхвгIарныс рылшатI.
АшIыпIа акыт млыкврхIара
гIархарджьыгIвчва йырхъазымкIва,
Ставрополь
йгьи Краснодар крайква
йгIартыцIыз ахIаракьатчпагIвчвагьи
рпкъыгIваква
аджьармыкIьа апны
йпшцIырщттI. АхвгIагIвчва
«Южна» агрокомбинат,
«Меркурий» фирма,
«Сатурн» ООО, «КIавкIазмясо»
ОАО, «Черкесскхлеб»
датшагьи гIархарджьыгIвчва
щардагIв
ртичIвква йанакIвызлакIгьи
йырзыразпI.
АджьармыкIьа апны
ауатралыцIква, ашвырква,
кIартIоф, жьы, пслачва,
хвша, ахшлыцIква, цха
ртиуан. АцIлауатраква зырхIарныс
бзи йызбауа рыхъазла
ацIла шIаквагьи
щардан.
АджьармыкIьа йгIадгылтI
Къарча-Черкес Республика
а-Правительства
а-Председатель йапхъахауа
йзаместитель БАЙЧОРОВ
Эльдар, хвгIахвтрали
промышленностьли
КЧР аминистр АРГВЫН
Мурат, акыт млыкврхIарала
КЧР аминистр БОТАШЕВ
Анзор. Ауат
агIархарджьыгIвчва ртичIвква
йгIархъыкIвшатI, абзазагIвчва
йрачважватI.
Ауи амщтахь зпкъыгIваква
ансисквша аджьармыкIьа
йгIадызгалуа агIархарджьыгIвчва
ачIахIра
грамотаква рквнадыргатI.
СквшигIадза КъарчаЧеркес
Республикала
йакIвшауа аджьармыкIьаква
тшауацIырхитI,
ашIыпIа гIархарджьыгIвчва
рыргвышхвара йазынхитI.
Получайте свежие новости на электронную почту
Комментарии