СКФО В Северной Осетии в 2024 году появятся прямые авиарейсы в Нижний Новгород СКФО Сельхозкооперативы в КБР набирают популярность Актуально Региональный этап Всероссийской олимпиады по истории российского предпринимательства прошел в КЧР на базе КЧГУ Актуально Глава КЧР Рашид Темрезов в Приэльбрусье встретился с активистами Общероссийского движения детей и молодежи «Движение Первых» Актуально Глава КЧР Рашид Темрезов в Тырныаузе КБР принял участие в открытии Дворца культуры им. Кайсына Кулиева

АХIБАЧВА ХВЫ РЗЫРБАТI

08.02.2019 374
АХIБАЧВА ХВЫ РЗЫРБАТI
Ленинград аблокада зыла йыцIсыз, уахьчIвала Черкесск город йбзазауа АЛЕКСАНДРИНА Вера йлыму акъральыгIва чвахъабагаква ужвыгьи закI гIарылахIатI. Ленинград гIадырхвитхищтара йцIыз асквш 75 йадахIвуата Лагъь КIавкIаз ауысквала РФ аминистр ЧЕБОТАРЕВ Сергей йгьи Къарча-Черкес Республика а-Хъада ТЕМРЕЗОВ Рашид ауи лунагIва йлызцан, йлайхIвахIвтI, «В честь 75-летия полного освобождения Ленинграда от фашистской блокады» чвахъабага гвплацIа лырттI. Александрина Вера йгьи ауи лпхIа Оверченко Татьяна рнашх лашарата асасчва йгIарпылтI. ХIреспублика аунашвачпагIв асквш 2018 агIан Къарча-Черкес йауата Абашта айсра Ду агIан Ленинград гIазырхвитхуаз рчвахъабага СанктПетербург апны йшгIахъыртIыз, ауи магIныта йаму даквгIашIастI. Александрина Вера Андрей йпхIа йшылхIвазла, Ленинград ангIадырхвитхуаз 11 сквша дыртан. Ауи лаба анамыцаква дырпшIагылата дайсуан, фырта зхъа щтIазцIаз дрыуапI. Лан, ага сабигIзартакI апны мацIаугIвыта дынхузтынгьи, чIыдата шIацIахъвыкI дгьахьымстI, ахьти амли лзымчхIауата адуней лхIваджьтI. Йыбата йгIанхаз апхIвыспа Ленинград асаби йыбаква р-Тдзы дбзазун. Совет ры АйгIайра ангIатырга Александрина Вера ланхща дналахвхын, унагIвара далалындзыкIьа ауи лпны дбзазатI. Айсра амщтахь Вера Андрей йпхIа лаба йнышвынтара гIалаухтI, ауаса лан лчIвылахъв ъану уахьчIва йъагIадзазгьи йгьылдырам. Лхъапщыли лари Сахалин йанцах, 17 сквша руацIа айсыгIвчва рыхъазла чгIвыча ъардзахуаз ацех дынхатI. Асквш 1964 агIан Вера Андрей йпхIа лтгIачви лари Черкесск городла йгIаквачхтI. Араъагьи айсра комиссариат апны сквш къомкI руацIа айсра чгIвыча лдзахытI. Ауи лгIвыпхIчва хгIвы гIарыцIагылтI, ауатгьи гIвычкIвынчва хвыцкI рыгIзитI. Вера Андрей йпхIа асасчва тлапIаква йапшым асквшква рагIан йылхъылхыз асуратква збжьу альбом длырбатI. Санкт-Петербург город а-Правительства ащаквыргылрала «В честь 75-летия полного освобождения Ленинграда от фашистской блокады» чвахъабага гвплацIа хIхаквлагIвчва йрыуата 15-гIв йырквнадыргатI. – Вера Андрей йпхIа рыцхIагIата лыла йыцIсыз гьмачIым, ауи лныбыжьлагьи сквш 87 днадзахьатI. Ага ауаса йаъазтынгьи, абзазара дазгIашыкъпI, ауагIаква бзи йылбитI, гIвычIвгIвысагIа рыщтанкъвылгитI. Ауи хIанлынйа амщтахь ныбыжьта уызтагылазлакIгьи унашх лашарата, угвы уымрыдзуата адуней уыквызлара шатахъу ужвыгьи зны йазхъахIцIатI, – йгIаликIгIатI Темрезов Рашид. Чеботарев Сергейи Темрезов Рашиди пхата йгIарпылыз аунагIва апшвымаква аразыра ажваква рзынадырхатI йгьи Вера Андрей йпхIа сквш 90 даннадзара сасра йлызцарныс ддыргвыгъатI.
374 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный