АгIвычIвгIвыс ныбыжьта дызтазлакIгьи, уыста дыздгылазлакIгьи апхьарта даныцIаз асквшква анцIрала йгвы йгIатахитI. Псыжв кыт апны асквш 1922 агIан Къарча-Черкес анахьанат ашIыпIаква рпны апшта «избачитальня» зхьзыз йапхъахуз апхьарта гIахъыртIытI. Ауи азаман йгIашIарышвта акыт апны абанпара щарда тшырпсахтI. Тшзымпсахуа закIыпI – абзазагIвчва адырраква йанакIвызлакIгьи йрызрыму азIашыкъра. АгIамтаква мгIвайсуан, дырра зауыз апхьагIвчва йхIаракIу апхьартаква йрыцIалуан, акъраль сабап азгIазгуаз ъачIвагIагIвчвата йалуан. ГВАНА СултIан ХIвсин йпа йыхьыз зхъу Псыжв кыт йгIвбахауа аквтанай апхьарта апны йапхьаз йрыуата щардагIвгьи хIреспублика йахъазымкIва акъральла зыхьыз гауа апхьахьата, арыпхьагIвта, айъазагIвта йалтI. Абар хIврапшдзала йырчву, алахIвара бзиква зпщылу ужвыгьи сентябрькI гIаталтI. Ауи йапхъахауата зщапIы апхьарта йхъызгауа рыхъазлагьи, йгIалгауагьи йырзацапшта гвалагIва ласра гIарылазцIауа гвыръьара мшыпI. Сентябрь а 1 Псыжв йгIвбахауа квтанай апхьарта йчIарачIата, йцкьата апхьагIвчва йырпылтI. Йапхъахауа акласс йапхьуш асабиква гIвкласскI йнадзитI. Акласс унашвачпагIвчва НЫР Зухри КIЬЫЧА Юлии ахвыцква гвапата йырпылтI. АпхьагIвчви анабачви апхьарта адиректор КIЬЫЧА МухIамад пхата драйхIвахIвтI, нашх лашара, дахIвра шырзыртахъу гIаликIгIатI. Агвыргъьахъв йалаз арыпхьарали наукали КЧР аминистр йзаместитель Бекижева ФатIима, Абаза муниципальна район администрация арыпхьарали культурали а-УнашвахъцIарта знапIыцIу Мартаза Зимфира, «Марамыз» абаза журнал аредактор, агIвгIвы Къвапсыргьан Валентина, апхьахьа Гвана Муминат СултIан йпхIа, асабиква рпахь йгIачважватI. «Машенька и медведь» мультфильм афырква агвыргъьахъв йалаз рнашх щтIырхуата йгIахъвмартI. Ауадгьына ангIахIвачва арыпхьагIвчви апхьагIвчви дасу йклассла йдырхаутI йгьи адырраква ры-Мш йазынархаз апхьарасахIатква джвыквырцIатI. Псыжв кыт апхьарта асабиква йапхъахуз рымш шлашараз апшта рапхъахьыла рнашхгьи рынцIраквагьи гвыргъьарала йырчвыта апхьарта йгIалгарнысла хIрайхIвахIвитI. Источник: riakchr.ru Предыдущая новость 908 просмотров Следующая новость Читайте также ЙАНАКІВЫЗЛАКІГЬИ ХІХЪМАШТЫЛРА ЙАЛАЗЛУШТІ 22.02.2019 265 АГIВЫЧIВГIВЫС ДАНГВЫРГЪЬАУА АДУНЕЙГЬИ ЙЫЦГВЫРГЪЬИТI 06.05.2019 252 Получайте свежие новости на электронную почту Подписаться Комментарии Написать
Комментарии