Къарча-Черкес Республика а-Хъада ТЕМРЕЗОВ Рашид «Россия Сбербанк» а-ГIвадахь-Мараташварта банк апредседатель Вентимилла Алонсо Виктор дйынйатI. Ауат ранйара йалан КЧР ахьызла а-Федерация а-Совет йалу САЛПАГАРОВ Ахмат, КЧР а-Правительства а-Председатель йапхъахауа йзаместитель йхъвдаквцIараква зырхъйауа БАЙЧОРОВ Эльдар,
«Сбербанк» Къарча-Черкесла ахъвшара аунашвачпагIв НЕСТЕРЕНКО Зауыр.
Вентимилла Алонсо Виктор йшгIаликIгIазла, КъарчаЧеркес апны аэкономика уысхара йалу йгьи агIвычIвгIвыс кIьыдаква Россия Сбербанк а-ГIвадахь-Мараташварта банк бзита йрыцынхитI. Ауи йшихIвазла, абанк аполитики ацхърагIаракви акъраль йгьи аштаква рпны аэкономика аъаща тшаквдыргIапсуата йадыргалитI.
Темрезов Рашид Россия Сбербанк а 15 хъвшаракI зланакIуа а-ГIвадахь-Мараташварта банк аунашвачпагIв ахIаракьатра хвыц йгьи аквтанай йырпщылу кредит рзалхрала аргIапсща рыцIа йдрымайрарныс тшизынайырхатI.
– КъарчаЧеркес абзазагIвчва рпроцент 60 акыт йтапI,–йхIватI КЧР аХъада. – Ауат ракIвпI ахIаракьатра рыцIа йапщылу. Ауи ахIатырла хIцхърагIара йазыбжапI. Акъраль апны кредит рзалхрала апхъагылара зму «Россия Сбербанк» ауи ауыс апны амагIны дута йспхьадзитI.
Комментарии