Актуально В ФСБ России по КЧР рассказали как распознать телефонных злоумышленников  СКФО Новый логотип курорта Эльбрус в КБР представили в студии Артемия Лебедева СКФО В Северной Осетии прошла донорская акция Актуально В КЧР родители старшеклассников сдали ЕГЭ Общество Карачаево-Черкесия наращивает объемы производства тепличных овощей

8 ишге къарады

21.02.2018 454
8 ишге къарады
КъЧР-ни Премьер-министри Озов Аслан талай кюнню мындан алгъа бардыргъан джыйылыуунда республиканы Правительствосу, 8 ишге къараб, аланы юслеринден тыйыншлы бегимле алгъанды.

«Къарачай-Черкес Республиканы 2018-чи джылгъа эмда план бла белгиленнген 2019-чу бла 2020-чы джыллагъа адресли инвестицион программасын бегитиуню юсюнден республиканы бегими» аланы бириди. Джыйылыуда аны къабыл этерге КъЧР-ни экономика министри Накохов Али теджеди.
Ол бегим 2018-чи эмда план бла белгиленнген 2019-чу бла 2020-чы джыллада тамамлы къурулушну кърал объектлерине бюджет ачха, аты кёргюзюлюб, энчи халда бёлюннюгюн белгилейди. Аны бу затда мизамны бегитиу бла ачханы тюз хайырландырыуда уллу магъанасы боллугъун айырыб чертдиле джыйылыуда сёлешгенле.


Мындан ары кёзюуде Къарачай-Черкесияда инвестицион проектлени джашауда толтурургъа кърал джанындан тыйыншлы гарантияла берилиб турлукъдула. «Инвестицион проектлеге Къарачай-Черкес Республика джанындан кърал гарантияла бериуню юсюнден» деген аты бла джыйылыу къабыл этген документ аны алайлыгъын бегитеди.
Андан сора КъЧР-ни Правительствосуну членлери, республиканы къурулуш бла фатар-коммунал мюлкюню министри Гордиенко Евгений теджеб, «О внесении изменения в постановление Правительства КЧР от 17.02.2015 №29 «Об утверждении минимального размера взноса на капитальный ремонт общего имущества в многоквартирных домах на 2015 - 2017 годы на территории Карачаево-Черкесской Республики» деген бегим алдыла. Ол документге кёре республикада тамамлы къурулушну ремонтуна берилген эм гитче взносну ёлчеми 2018-чи джылны аягъына дери 5,8 сомлай турлукъду.
Министрлени кабинетини членлери, КъЧР-ни урунуу бла социал ёсюмюню министри Кемов Мурадин теджеб, «О порядке определения объема и предоставления субсидий социально-ориентированным некоммерческим организациям на реализацию социально значимых мероприятий» деген, аны кибик башха бегимле алды. Ала республикада социал магъаналы ишлени этимлиликлерин ёсдюрюрге болушурукъдула. Ишде ары дери джиберилген кемликлени тюзетирге себеблик этерикдиле.
454 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный