Къарачай-Черкесияда «Халкъ участковый» деген Бютеуроссия конкурсну регионал этапы башланнганды. Аны эсеблерине къараб, республикада эм иги участковыйны белгилерикдиле.
Конкурсха республиканы шахарлары бла районларындан талай адам къошулгъанды. Онлайн-чёб атыуну тамалында КъЧР-ни Ич ишлерини министерствосундан сегиз участковый эм игилеге саналгъандыла.
- Бу конкурсну юсю бла хар элде эм иги полициячыны ачыкъларгъа излейбиз, - дегенди КъЧР-де Ич ишлени министерствосунда джамагъат джорукъну сакълаудан полицияны тамадасыны заместители Рамазан Джилешхов. – Эм алгъа болушлукъ кереклиге участковыйле джетедиле. Ол себебден алагъа ышанмакълыкъ да уллуду. Регионал этапны биринчи турунда эм иги участковыйлеге Альберт Тлисов, Лепшокъланы Алим, Залим Тлисов, Хачирланы Абрасим, Мухамед Экзеков, Бытдаланы Руслан, Къобанланы Мурат эмда Сергей Сельгеев саналгъандыла. Бу кандидатланы юслеринден толу хапар билир ючюн, Ич ишлени официал сайтына кирирге боллукъду.
Онлайн-чёб атыу октябрны 16-на дери барлыкъды. Анда биринчи оруннга чыкъгъан Къарачай-Черкесияны сыйын конкурсну ючюнчю Бютеуроссия этапында джакъларыкъды.
Эм иги участковыйлени саугъалау эмда «Халкъ участковый» деген конкурсну баш ёчюн бериу декабрь айда боллукъду.
Комментарии