«Россиягъа хар сабий да багъалыды» деген проектни джашаугъа сингдире, «Бирикген Россия» партия «Сабийлеге праволу болушлукъ» деген акциясын башлагъанды. Ол 2017-чи джыл ноябрь айны аягъына дери къралны 74 регионунда ётерикди.
- Бу акциягъа къошулгъан студентле, сабий юйлеге, аралыкълагъа, асыралгъан сабийлери болгъан юйдегилеге барыб, ушакъла бардырлыкъдыла. Сабийлени къаллай эркинликлери болгъанларындан, ала бла джашауда къалай хайырланыргъа тыйыншлысындан хапар айтырыкъдыла, - дегенди проектни координатору Надежда Колесникова.
Ол чертгеннге кёре, юристле бла методистле сабийлеге памяткала бла методика рекомендацияла хазырлагъандыла. Игилик этерге сюйген студентле
таймаздан ёксюз сабийлени джокълагъанлай, алагъа керекли болушлукъну табдыргъанлай турлукъдула.
Бу проект, 2017-чи джыл башланыб, 2022-чи джылгъа дери барлыкъды. Аны баш магъанасы ёксюз сабийлени санын аз этиудю. Аталарын-аналарын тас этген сабийлени аталы-аналы этер ючюн, юретиу-ангылатыу иш иги баргъаны себебли, 2013-чю джылдан бери ёксюзлени саны бизни къралда эки кереге аз болгъанды.
Комментарии